Andaina solidaria e apertura do Camiño de Santa Paterna

O pasado domingo 18 de outubro tivo lugar a andaina solidaria en apoio da Asociación Española contra o Cáncer, unha xornada que serviu tamén para inaugurar o Camiño de Santa Paterna como variante singular dentro do Camiño de Santiago da Vía da Prata. Todo discorreu moi ben. Superáronse os 300 inscritos e o día soleado acompañou de principio a fin. Ao chegar, celebrouse unha Misa campestre, e o ambiente foi excelente, con pulpeiros e cancións para compartir. Grazas a quen participastes e a quen fixestes posible esta xornada solidaria e de inauguración do Camiño de Santa Paterna.